ப.கே. 76 மறைந்திடுமோ வீசும் மணம்

 உண்டகலந் தேய்க்க உடுத்த துணியலசக்

கொண்டுவழிந் தோடுங் கலங்கல்நீர் -- உண்டு

குறைந்திடுமோ வெண்மை கொடிமுல்லைக் கென்றும்

மறைந்திடுமோ வீசும் மணம்,

 

‘கொடிமுல்லைக் கென்றும்’ என்பது இடையணி விளக்கு. அதை முன்னுள்ள, ‘குறைந்திடுமோ வெண்மை’ என்பதோடும், பின்னுள்ள ‘மறைந்திடுமோ வீசும் மணம்’ என்பதோடும் தனித்தனியே கூட்டிப் படிக்க.

அக்டோபர் 2023 அமுதசுரபி இதழில் வெளியானது.