ப. கே. 70. பாரதம் ஓங்கிடவே பாடு

 

ஈற்றடி; பாரதம் ஓங்கிடவே பாடு

 

பெற்ற புகழும் பெருவளமும் பண்பாடும்

உற்ற படியுரைக்க உள்ளாரார் --- மற்றதெது

நேரிதற் கில்லையதை நீயெழுது நம்நாடு

பாரதம் ஓங்கிடவே பாடு

ப.கே. 69. இளமையில் காதல் இனிது

 ஈற்றடி; இளமையில் காதல் இனிது

 

உண்ணுமுண வுக்கும் உடுக்கும் உடைக்குமே

எண்ணிச் செலவழித்தே ஏங்குபவர் --- எண்ணார்

வளமையொடு சுற்றமும் வாய்க்குமெனில் யார்க்கும்

இளமையில் காதல் இனிது.

     பிப். 2025 இலக்கியச்சோலை இதழில் வெளியானது

ப.கே. 68 புத்தாண்டில் காண்போம் பொலிவு

 

செயலாற்றச் சோம்பிச் சிலநல்ல வற்றை

முயன்றுகை விட்டதுண்டு முன்பு – இயலாதாய்

எத்தாலும் ஆகா தெனநின்  றவைமுடித்துப்

புத்தாண்டில் காண்போம் பொலிவு.

 

ஈற்றடிக்கு எழுதியது. இலக்கியச்சோலை ஜனவரி 2025 இதழ் வெண்பாப் போட்டியில் பரிசு பெற்றது.