வானுயர ஓங்கும் வளம்

வானம் பொழிமழையை வாங்கி நிலஈரம்

பேணும் வழிதன்னைப் பின்பற்றில் – காணுகிற

ஈனநிலை மாறி இயற்கையெழில் கொஞ்சிடவே

வானுயர ஓங்கும் வளம்.

ஈற்றடிக்கு எழுதியது: tamilauthors.com Minnithaz 19.11.2018  

என்சொல்லும் என் நா இனி

'சொன்னபொய் வெல்வதனாற் சொன்னோன் திறமையுளோன்

இந்நாளில் மெய்யுரைப்போன் ஏமாளி. – சொன்னதிதை

இன்றுமுதல் கைக்கொள்வாய்' என்கின்றார். மெய்பொய்யில்

என்சொல்லு மென்நா இனி

ஈற்றடிக்கு எழுதியது: tamilauthors.com Minnithaz 12.11.2018

சொல்லில் வடித்த சுடர்

அறிவிலொளி சேர்க்கும் அருங்குறளும் கொள்கைச்

செறிவு படைத்த சிலம்பும் – அறிஞரெலாம்

கல்விக் கிவனென்ற கம்பனவன் காவியமும்

சொல்லில் வடித்த சுடர்.

ஈற்றடிக்கு எழுதியது Tamilauthors.com minnithaz.  5.11.2018

விழியிலார்க் கேது விளக்கு

பாசமி லார்க்கில்லை பற்றுறவு. நெஞ்சத்து

நேசம் மறந்தார்க்கு நட்பில்லை. - பேசும்

வழியிலார்க் கேனோ ஒலிபெருக்கி. பார்க்கும்

விழியிலார்க் கேது விளக்கு.

ஈற்றடிக்கு எழுதியது Tamilauthors.com minnithaz.  29.10.2018.