பேச்சு சுதந்திரம் ஒன்றே பெரிது

 

ஓயா துழைத்தலும் உயர்பொரு ளீட்டலும்

தேயா துளபுகழ் தேடலு மின்றி

வேயா மாட விரிவெளி போலுள

வாயாற் பேசி வாழ்பொழு தழிப்பார்

 

--- வேறு சுதந்திரம் வேண்டிய தில்லை

 

இதமுடன் பேசல் இறங்கி அடங்கலாம்

அதிரப் பேசலே ஆண்மையென் றிருப்பார்

எதையும் பேச அவர்க்குள உரிமையில்

எதுவும் தடைவரில் ஏற்றிட மறுப்பார்

 

--- வேறு சுதந்திரம் வேண்டிய தில்லை

 

கசையா லடித்துக் காயப் படுத்தலாய்

வசைகள் மொழிந்து வாயாற் கிழிக்கும்

இசையா தோரை இழித்துப் பேசுமந்

நசைக்குத் தீனி நல்கு சுதந்திரம்.

 

--- வேறு சுதந்திரம் வேண்டிய தில்லை