ப.கே. 57 உடைத்தாராய் யாரிங் குளர்?

 

பொறுமையுடன் நம்பிக்கை போற்றி யிருத்தல்

வருபயனைக் காணும் வழியாம் – ஒருவர்

அடைகாத்த லாற்றாதே ஓடுடைத்துக் குஞ்சை

யுடைத்தாராய் யாரிங் குளர்?

(கருத்து; Vikasa Mantras (Collection), VIHE Ramakrishna Math, Hyderabad.)

ப.கே. 56. கனவு நனவாகும் காண்.

 

முயற்சி கவனம் முறையான திட்டம்

அயர்ச்சி யிலாதுழைக்கு மார்வம் – பயிற்சி

தனமுமுள தாயின் தவறாது வெற்றிக்

கனவு நனவாகும் காண்.

ப.கே. 55 உனக்கிருக்கு மென்றே உணர்

 

பொறாமை யகம்பாவம் பேராசை மூன்று

மிராத மனமுடையை ஆயின் – வராது

மனக்கலக்கம் வாழ்வில் மகிழ்வோ டமைதி

உனக்கிருக்கு மென்றே உணர்.

(கருத்து; Vikasa Mantras (Collection), VIHE Ramakrishna Math, Hyderabad.)

ப.கே. 54. கல்லறையிலே கிடைக்கும் காண்.

முயன்றால் மனக்குழப்பம் முற்றா தமைதி

இயன்றவரை போராடி எய்தலாம். -  முயற்சியே

எள்ளளவு மின்றி எளிதிலது வேண்டுமெனில்

கல்லறையி லேகிடைக்கும் காண். 

(கருத்து; Vikasa Mantras (Collection), VIHE Ramakrishna Math, Hyderabad.)